Vinir Mosfellsbæjar er listi fólksins í bænum. Við teljum að vöxtur Mosfellsbæjar eigi að einkennast af yfirvegun, grænum svæðum og sterku íbúalýðræði. Við viljum verja sérstöðu bæjarins okkar sem „bæjarins milli fells og fjöru“ og tryggja að hér sé gott að búa fyrir allar kynslóðir.

Raunverulegt íbúalýðræði og gagnsæi

Við treystum íbúum Mosfellsbæjar best til að taka stórar ákvarðanir um framtíð bæjarins.

• Íbúakosning um Blikastaði: Bindandi atkvæðagreiðsla um breytingar á aðalskipulagi.

• Gagnsæ stjórnsýsla: Samráð á að eiga sér stað áður en ákvarðanir eru teknar, ekki eftir á.

• Beinn aðgangur: Stafrænar lausnir til að forgangsraða verkefnum í hverfum.

Skipulag fyrir fólk, ekki fjármagn

Við segjum nei við „blokkaklösum“ og krefjumst þess að innviðir fylgi byggð.

• Hófleg uppbygging: Blikastaðir og Vesturlandsvegur verði skipulagðir með tilliti til þolmarka innviða.

• Fjölbreytni án fórna: Hagkvæmt húsnæði fyrir ungt fólk og eldri borgara án þess að skaða græn svæði.

• Hjarta Mosó: Eflum miðbæinn sem raunverulegan samkomustað með mathöll, „pop-up“ mörkuðum og lifandi mannlífi.

Öruggar samgöngur og innviðir

Innviðirnir verða að fylgja íbúafjölgun – ekki koma áratugi síðar.

• Bættar almenningssamgöngur: Öflugri innanbæjarstrætó með smærri vögnum og hraðleiðum.

• Frítt fyrir börn: Gjaldfrjálsar samgöngur fyrir börn og ungmenni að 18 ára aldri.

• Sundabraut á okkar forsendum: Tryggjum hagsmuni íbúa í tengslum við stórverkefni í samgöngum.

• Hjólafólk: Bætt aðstaða og öruggar leiðir fyrir virka samgöngumáta.

Vönduð stjórnsýsla og fagmennska

Við viljum breyta menningu stjórnsýslunnar í átt til meiri skilvirkni og ábyrgðar.

• Fagráðinn bæjarstjóri: Valinn á grundvelli menntunar og reynslu til að brúa bil milli fylkinga.

• Sterkari fagnefndir: Eflum faglegt starf nefnda til að tryggja vandaða ákvörðunartöku.

• Skýr fjármálastjórn: Gagnsæi í rekstri og skýr svör um starfsemi bæjarskrifstofa.

Menning, saga og félagsauður

Saga Mosfellsbæjar er dýrmæt og hana ber að virða í öllu skipulagi.

• Menningarsetur: Blikastaðabærinn og Álafosskvosin verði miðstöðvar sögu og sköpunar.

• Lifandi listalíf: Öflugur stuðningur við Leikfélag Mosfellsbæjar, Skólahljómsveitina og kóra bæjarins.

• Hlégarður: Stækkun og efling Hlégarðs sem menningarmiðstöðvar.

• Barnasafn í Kjarna: Skapandi rými fyrir yngstu kynslóðina í hjarta bæjarins.

Heilsueflandi samfélag og velferð

Mosfellsbær á að vera leiðandi í útivist og lýðheilsu fyrir alla aldurshópa.

• Vörður um náttúru: Verndum Fellin, ströndina og útivistarsvæði.

• Íþróttir og laugar: Áframhaldandi uppbygging á Varmársvæði og í Lágafellslaug. Hugum að þörf fyrir íþróttasvæði á Blikastaðalandi.

• Eldri borgarar: Vinnum gegn einmanaleika með því að færa félagslega virkni nær þeim sem ekki komast að heiman.

• Velferð og vöxtur: Efling barnaverndar og stuðningur við málefni fatlaðra.

Skólar og æskulýðsmál – Fjárfesting í framtíðinni

Við leggjum áherslu á námsárangur, tækni og vellíðan í skólastarfi.

• Skóli án aðgreiningar: Tryggjum sérfræðiaðstoð beint inn í kennslustofurnar - „sérfræðingar á gólfi”.

• Farsæld barna: Innleiðing farsældarlaga með áherslu á 1. stigs úrræði og öfluga skólaþjónustu.

• Frístund og forvarnir: Eflum starf félagsmiðstöðvarinnar Bólið og styðjum við fjölbreytt smiðjuúrræði

• Samvinna: Stofnun forvarnarhóps með fulltrúum íbúa og lögreglu fyrir bæjarhátíðir.

Atvinnumál og nýsköpun

Við viljum skapa Mosfellsbæ sem er eftirsóttur áfangastaður fyrir fyrirtæki og fjárfestingar, þar sem fjölbreytileikinn fær að blómstra.

• Stöðugt og fyrirsjáanlegt rekstrarumhverfi: Við leggjum áherslu á aðgengilega og skilvirka stjórnsýslu til að bæta samkeppnishæfni atvinnulífs og draga úr kostnaði.

• Stafræn þjónusta og skilvirkni: Opinber þjónusta skal vera stafræn með notandann í fyrirrúmi. Leyfisveitingaferli verða rýnd og einfölduð til að fjarlægja óþarfa hindranir fyrir stofnun og rekstur fyrirtækja.

• Ferðaþjónusta og Mosó sem áfangastaður: Við viljum efla Mosfellsbær sem áfangastað fyrir ferðamenn með því að nýta náttúruperlur, menningu og sögu svæðisins.

• Hestamennska og útivist: Hestamennska er órjúfanlegur hluti af sjálfsmynd bæjarins. Við munum styðja við uppbyggingu reiðvega og aðstöðu fyrir hestamenn sem mikilvægan þátt í bæði íþróttalífi og ferðaþjónustu.

• Margvísleg þjónusta og fyrirtækjarekstur: Við fögnum fjölbreyttum fyrirtækjarekstri, allt frá smáum sprotafyrirtækjum til stærri þjónustufyrirtækja, og tryggjum að skipulag bæjarins bjóði upp á hentugt húsnæði og lóðir fyrir ólíka starfsemi.

• Sérfræðistörf í heimabyggð: Við munum eiga í virku samtali við ríkið um starfsemi á Farsældartúni til að fjölga sérfræðingsstörfum í sveitarfélaginu. Leggjum til að nýr sérskóli fyrir höfuðborgarsvæði verði í Mosfellsbæ.